Ծանոթ չեմ եվրատեսիլյան տեսահոլովակին, չեմ տեսել․ ԿԳՄՍ նախարար
ԿԳՄՍ նախարար Ժաննա Անդրեասյանը ծանոթ չէ «Լադանիվա»-ի «Եվրատեսիլ 2024»-ի երգին ու տեսահոլովակին։ Նա կառավարության նիստից հետո, լրագրողների հետ զրույցում ասաց, որ չի տեսել այդ տեսահոլովակը։
Միևնույն ժամանակ, նրա համար արտառոց ոչինչ չկա, երբ «Եվրատեսիլ»-ին ներկայացվելիք տեսահոլովակը քննարկվում է։
«Նորմալ եմ համարում, որ ցանկացած արտադրանքի մասով կարող են տարբեր կարծիքներ լինել: Ինքս չեմ դիտել, որևէ կարծիք չեմ կարող հայտնել»,- ասաց Ժաննա Անդրեասյանը։