Գիտնականները պարզել են՝ ինչու քաղցկեղի որոշ տեսակներ չեն ենթարկվում բուժման
Մի խումբ գիտնականներ հետազոտությունների արդյունքում հայտնաբերել են այն մեխանիզմը, որի շնորհիվ քաղցկեղի ուռուցքները չեն ենթարկվում քմիաթերապիայի: Այս մասին հաղորդում է ria.ru-ն՝ հղում անելով MedicalXpress-ին:
Հետազոտության շրջանակներում գիտնականներն ուսումնասիրել են բջիջների կայունությունը ֆերոպտոզի՝ մեմբրանի բաղադրության մեջ պարունակվող լիպիդների թթվայնացումից բջիջների ոչնչացման գործընթացի նկատմամբ: Հետազոտությունը ցույց է տվել, որ ժամանակի ընթացքում քաղցկեղի շատ տեսակներ կարող են ձեռք բերել մեխանիզմներ այդ գործընթացի արգելակման համար, ինչի հետևանքով կայունություն են ձեռք բերում բուժման նկատմամբ:
Սա պայմանավորված է նրանով, որ գլուտաթիոնպերօքսիդազ-4 (GPX4) ֆերմենտը գործում է որպես հակաօքսիդանտ և արգելակում է լիպիդների թթվայնացոմը, սակայն բուժումը շատ հաճախ անարդյունավետ է լինում անգամ այս ֆերմենտի արգելակող ազդեցության դեպքում:
Բանն այն է, որ գիտնականները հայտնաբերել են ֆերոպտոզն արգելակող նոր միացություն՝ FSP1 մոլեկուլը, որը պաշտպանում է բջիջները թթվայնացումից: Այս մոլեկուլի գործառույթներն ապահովում է N-միրիստոիլտրանսֆերազ (NMT) ֆերմենտը, ուստի մասնագետները եկել են այն եզրահանգման, որ հակաօքսիդանտային ազդեցությունն արգելակելու համար հարկավոր է դեղամիջոց, որը կճնշի NMT-ի աշխատանքը: Սա թույլ կտա բուժել քաղցկեղի անգամ այն տեսակները, որոնք դժվարությամբ են թերապիայի ենթարկվում: