Մեծ Բրիտանիայի արքայազն Հարին հայտնել է, թե ուր կցանկանար տեղափոխվել ընտանիքով
Մեծ Բրիտանիայի արքայազն Հարին խոստովանել է, որ իրեն ավելի բնական է զգում Աֆրիկայում և ուրախ կլիներ այնտեղ տեղափոխվել ընտանիքով: ТАСС գործակալության փոխանցմամբ՝ այս մասին Էլիզաբեթ Երկրորդ թագուհու թոռը հայտնել է բրիտանական հեռուստատեսությանը տված հարցազրույցում՝ աֆրիկյան մայրցամաք կատարած 10-օրյա ճանապարհորդության ավարտին:
«Այժմ չգիտեմ, թե որտեղ կկարողանայինք տեղավորվել Աֆրիկայում: Մենք դեռ նոր ենք վերադարձել Քեյփթաունից: Դա հիանալի տեղ կլիներ մեզ համար, որպեսզի կառուցեինք մեր կյանքը»,- ասել է արքայազնը, որը վեցերորդ տեղն է զբաղեցնում բրիտանական թագաժառանգների շարքում:
Նա հավելել է, որ այժմ չի պատկերացնում, թե ինչպես կարող է նման տեղափոխություն իրականացնել, սակայն շեշտել է, որ իր մտքերն անքակտելիորեն կապված են Աֆրիկայի հետ: