2000 դոլար հասմիկի համար. Հնդիկ դերասանուհին տուգանվել է Մելբուռնում ծաղկեփնջի համար
Հնդիկ դերասանուհի Նավայա Նաիրը տուգանվել է 2000 դոլարով՝ Մելբուռն ժամանելուց հետո՝ իր հետ բերված հասմիկի (gajra) ծաղկեփունջը չհայտարարագրելու համար։
Ծաղկեփունջը նրան նվիրել էր հայրը, որպեսզի նա կարողանա այն կրել մազերին թռիչքի ժամանակ։ Քանի որ ծաղիկները կարող էին թառամել ճանապարհորդության ընթացքում, հայրը նրան տվել էր երկրորդ ծաղկեփունջը՝ Ավստրալիա ժամանելուն պես օգտագործելու համար, որը դերասանուհին դրել էր իր ձեռքի պայուսակի մեջ։ «Նա ասաց ինձ, որ երկրորդ ծաղկեփունջը դնեմ պայուսակիս մեջ, որպեսզի կարողանամ այն կրել Սինգապուրից հաջորդ չվերթի ժամանակ», – տեղական լրատվամիջոցներին ասել է Նաիրը։ «Ես այն դրեցի պայուսակիս մեջ»։
Սակայն, Ավստրալիա ժամանելուն պես դերասանուհին չի հայտարարագրել ծաղկեփունջը, և երբ Մելբուռնի օդանավակայանի աշխատակիցները հայտնաբերել են այն, նա տուգանվել է։