ՌԴ-ն Հայաստանից սպասում է սանիտարական ստուգումների հաշվետվություն և ԵԱՏՄ պահանջների պահպանման հստակ պլան. Ռոսսելխոզնադզոր
ՌԴ-ն Հայաստանից սպասում է սանիտարական ստուգումների մասին հաշվետվություն և ԵԱՏՄ պահանջների պահպանման հստակ պլան, «Իզվեստիա»-ին հայտնել են Ռոսսելխոզնադզորից։ Գերատեսչությունում նշել են, որ ակնկալում են հետաքննության արդյունքները, ձեռնարկված միջոցառումների վերաբերյալ տեղեկություն, ինչպես նաև գործողությունների ալգորիթմ՝ ԵԱՏՄ անասնաբուժական և բուսասանիտարական պահանջների պահպանման համար։
Մայիսի սկզբից Ռուսաստանը սահմանափակումներ է կիրառում հայկական գյուղատնտեսական արտադրանքի ներմուծման վրա։ Ավելի ուշ ՌԴ գյուղատնտեսության նախարար Օքսանա Լուտը նշել է, որ մատակարարումները նախկին ծավալով հնարավոր կլինեն միայն նշված չափանիշների խիստ պահպանման դեպքում։