«Պետք է ընդունել, որ ես ավելի լավն եմ». Սարիկ Անդրեասյանը պատասխանել է «հեյթերներին»
Ռեժիսոր Սարիկ Անդրեասյանը Դմիտրի Դիբրովի «Միլիոն հարցեր» հաղորդաշարում պատասխանել է «հեյթերներին»։ Այս մասին գրում է Gazeta.Ru թերթը՝ հղում անելով ТНТ հեռուստաալիքի մամուլի ծառայությանը։
Նա իր հաջողությունը պայմանավորում էր իր ֆիլմերի արտադրությամբ զբաղվող իր երկու եղբայրների եւ կնոջ՝ դերասանուհի Լիզա Մորյակի տաղանդով։ Անդրեասյանի խոսքով՝ հենց դրա համար են իրեն նախանձում նրանք, ովքեր իբր չեն կարող մրցել «լսարանի ուշադրության» համար։
«Ես չեմ կարող ուրիշներին եղբայրներ կամ տաղանդավոր կանայք տալ. Ես չեմ կարող բուժել այս վրդովմունքը: Պարզապես պետք է ընդունեն, որ ես ավելի լավն եմ»,-ասում է Անդրեասյանը։
Անդրեասյանի խոսքով՝ իրեն ատողները երբեք ֆիլմեր չեն դիտում, այլ պարզապես քննադատություն են անում։
2024 թվականի նոյեմբերի սկզբին Նիկոլայ Կարտոզիան Սարիկ Անդրեասյանի «Եվգենի Օնեգին» ֆիլմը համեմատել էր «Խնամակալները» հեռուստասերիալի հետ։ Նա ծաղրել էր՝ նշելով, որ ռեժիսորը նկարահանման հրապարակում է իմացել է, որ «Եվգենի Օնեգինը» պարզապես վեպ չէ, այլ չափածո վեպ։
Անդրեասյանի հայցը Մոսկվայի Պրեսնենսկի դատարանը գրանցել է դեկտեմբերի 10-ին, իսկ Կարտոզիայիը՝ երկու օր անց։ Երկու պահանջներն էլ կապված են պատվի, արժանապատվության եւ գործարար համբավի պաշտպանության հետ։ Անդրեասյանը հայտարարել էր, որ պրոդյուսերը վիրավորել է իր ընտանիքին եւ ազգությանը։