Ուշադրություն՝ Մուշ թաղամասի բնակիչներին և առհասարակ բոլորին
Վերջին շրջանում մեր թաղամասում հաճախ եմ նկատում ստորև ներկայացված բույսը։ Սկզբում կասկածում էի, որ այն կարող է թունավոր լինել, իսկ քանի որ այս տարածքում շատ երեխաներ են խաղում, որոշեցի տեղեկություններ հավաքել դրա մասին։
Պարզվեց, որ այն իսկապես խիստ թունավոր բույս է։
Բույսի անվանումը
Լատիներեն՝ Hyoscyamus niger
Հայերեն՝ Սև բանգ (երբեմն հանդիպում է նաև «Սև խենախոտ» անվանումը)
Կարևոր անվտանգության տեղեկատվություն
Սև բանգը մահացու թունավոր բույս է։ Նրա բոլոր մասերը՝ արմատը, ցողունը, տերևները, ծաղիկները և հատկապես սերմերը, պարունակում են թունավոր նյութեր։
Բույսը պարունակում է ուժեղ ալկալոիդներ՝ հիոսցիամին և սկոպոլամին, որոնք կարող են առաջացնել ծանր թունավորում, գիտակցության խանգարում, զառանցանք և հալյուցինացիաներ։
🚸 Խնդրում ենք լինել զգոն.
Մի՛ դիպչեք բույսին մերկ ձեռքերով։
Մի՛ շնչեք նրա ուժեղ և տհաճ հոտը։
Մի՛ օգտագործեք այն ծաղկեփնջերի կամ ծաղկեպսակների մեջ։
Հեռու պահեք երեխաներին և ընտանի կենդանիներին։
Եթե կասկածում եք, որ որևէ մեկը կամ կենդանին շփվել է բույսի հետ կամ կուլ է տվել դրա որևէ մասը, անհապաղ դիմեք բժշկական օգնության։ Այսօր երեխա էր ուզում պոկել չթողեցի։
🙏 Խնդրում եմ կիսվել այս տեղեկությամբ, որպեսզի մեր համայնքի բնակիչները տեղեկացված լինեն և կարողանանք կանխել հնարավոր վտանգները։