Ուկրաինացիների շրջանում նոր տեսակի կորոնավիրուսով վարակման առաջին դեպքն է գրանցվել. լրատվամիջոցներ

Ուկրաինացիների շրջանում նոր տեսակի կորոնավիրուսով վարակման առաջին դեպքը գրանցվել է Իտալիայում: Այս մասին տեղեկացնում է interfax.com.ua կայքը` հղում անելով իտալական Fanpage պարբերականին:

«Աղջիկը, որը մի քանի օր իրեն վատ էր զգում, երեկ գնացել է Սան Լուկա դի Վալլո դելլա Լուկանիայի հիվանդանոց, որտեղ կորոնավիրուսի թեստ է անցել, որն էլ արդեն դրական պատասխան է տվել Նեապոլի Կոտունյո հիվանդանոցում: Կորոնավիրուսի առկայությունը պետք է հաստատվի Հռոմի Սպալանցանիի անվան ինստիտուտի կողմից: Բոլոր նրանք, ովքեր շփվել են աղջկա հետ, առաջնահերթ` ընտանիքը, որը նրան ուղեկցել է հիվանդանոց, որոշ ժամանակ կանցկացնեն կարանտինում»,-ասված է պարբերականի կայքում տեղադրված հաղորդագրության մեջ:
Վերջին տվյալներով` Չինաստանում կորոնավիրուսով վարակման հաստատված դեպքերի թիվը գերազանցել է 78 հազարը, ավելի քան 29 հազարը բուժվել և դուրս է գրվել հիվանդանոցներից, իսկ մահացածների ընդհանուր թիվը հասել է 2715-ի:

Չինաստանի իշխանություններն անհայտ տեսակի վիրուսի համաճարակի մասին Առողջապահության համաշխարհային կազմակերպությանը տեղյակ էին պահել դեկտեմբերի 31-ին: Համաճարակը բռնկվել է 11 մլն բնակչություն ունեցող Ուհան քաղաքում:
Ամբողջ աշխարհում մարդիկ խուճապի են մատնվել սրընթաց տարածվող մահացու կորոնավիրուսի պատճառով: Հիվանդների ու զոհերի թիվն օրեցօր ավելանում է, իսկ վարակման դեպքեր են արձանագրվել նաև Չինաստանից դուրս մի շարք երկրներում, ինչը հանգեցրել է համաշխարհային խուճապի:

Share This

COMMENTS

Wordpress (0)
Disqus (0 )