Կտավատի սերմերով պատրաստված կիսելը կարող է առողջության համար վտանգավոր լինել
Կտավատն օժտված է բազմաթիվ օգտակար հատկություններով, սակայն չնայած այդ ամենին կտավատի սերմերից պատրաստված կիսելը կարող է առողջության համար վտանգավոր լինել։ Այս մասին «Մոսկվա 24»-ի հետ զրույցում ասել է գաստրոէնտերոլոգ, թերապևտ Ալեքսանդր Սոբոլը։
Բժշկի խոսքով՝ կտավատի սերմերից պատրաստված կիսելի գործածությունը կարող է սրել աղեստամոքսային տրակտի հետ կապված խնդիրները և հանգեցնել ստամոքսի խոցի։ Բացի այդ, այս ըմպելիքը կարող է դառնալ նաև լեղաքարային հիվանդության զարգացման և ենթաստամոքսային գեղձի բորբոքման ։
«Կտավատի սերմերը վատ են մարսվում, ուստի հաճախ փորլուծություն են առաջացնում։ Նման խնդրից խուսափելու համար հարկավոր է սերմերը մանրացնել ու ալյուրի վերածել, այնուհետև դրանով կիսել պատրաստել»,- նշել է Սոբոլը։
Ինչպես եզրափակել է բժիշկը, սննդակարգում մեծ քանակությամբ կտավատի գործածությունը կարող է նաև խանգարել կալցումի ու երկաթի կլանումը, ուստի հարկավոր է շատ զգույշ լինել։