Իրավապաշտպաններից ոմանց մոտ հրճվանք է առաջանում ողբերգական դեպքերից․ փոխնախարար
Սահմանին այս պահին վիճակը համեմատաբար հանգիստ է։ Կրակոցներ միշտ լինում են, համարժեք պատասխաններ ստանում են, որից հետո կրակոց արձակած կրակակետը լռում է։ Այս մասին խորհրդարանում լրագրողների հետ զրույցում ասաց Պաշտպանության փոխնախարար Գաբրիել Բալայանը։
Անդրադառնալով բանակում 2020թ․-ի առաջին երկու ամիսներին խաղաղ պայմաններում տասնյակից ավելի գրանցված մահվան դեպքերին ու դիտարկմանը, թե բոլոր սլաքներն ուղղվեցին հրամանատրական կազմի վրա, անգամ իրավապաշտպաններն ասում են, որ քրեական ենթամշակույթի տարրերը հրամանատարական կազմի մեջ են, Գաբրիել Բալայանն ասաց, որ այդ իրավապաշտպաններին անվանում է «չակերտավոր իրավապաշտպաններ»։
«Ես տեղեկություն ունեմ, որ այդ իրավապաշտպանները կոնկրետ քայքայիչ գործողություններ են իրականացնում, և նրանցից մի քանիսի մոտ իմ պատկերացմամբ՝ ոնց որ հրճվանք է առաջացնում ամեն ողբերգական դեպքը։
