Թարթիչների հաճախակի երկարացումը կարող է նպաստել կոպերի շրջանում մաշկային տզերի բազմացմանը

Նոր հետազոտության համաձայն՝ թարթիչների հաճախակի երկարացումը կարող է կապված լինել աչքերի գրգռվածության, չորության և կոպերի գեղձերի աշխատանքի խանգարման հետ։ 10-ից ավելի անգամ նման միջամտություն կատարած կանանց 85%-ի մոտ հայտնաբերվել են այդ գեղձերի խցանման կամ աշխատանքի խանգարման նշաններ։

Ուսումնասիրության ընթացքում պարբերաբար թարթիչներ երկարացրած 25 կանանցից 24-ի մոտ հայտնաբերվել է Demodex folliculorum մաշկային տիզ։ Մասնագետները խորհուրդ են տալիս երկարացված թարթիչները պարբերաբար մաքրել և ախտանշանների դեպքում դիմել բժշկի։