Գիշերը Երևանի Շոպրոնի փողոցում «Հոնդա» մեքենա է այրվել

Մայիսի 29-ին, ժամը 04:42-ին Ճգնաժամային կառավարման ազգային կենտրոն ահազանգ է ստացվել, որ Երևանի Շոպրոնի փողոց թիվ 2 շենքի բակում այրվում է ավտոմեքենա։

ՆԳՆ փրկարար ծառայությունից ambion.news-ի-ին հայտնում են, որ դեպքի վայր է մեկնել ՆԳՆ ՓԾ Երևան քաղաքի փրկարարական վարչության հրշեջ-փրկարարական ջոկատից մեկ մարտական հաշվարկ:

Հրդեհը մեկուսացվել է ժամը 04։52-ին, մարվել՝ 05։01-ին։ Այրվել են «Honda» մակնիշի ավտոմեքենայի դիմային հատվածը և սրահը՝ մասամբ։