Բլինկենը ժամանել է Իսրայել
ԱՄՆ պետքարտուղար Էնթոնի Բլինկենը ժամանել է Իսրայել՝ քննարկելու Գազայում իրավիճակը, հայտնում է Associated Press-ը։
Երեքշաբթի և չորեքշաբթի Բլինկենը կհանդիպի Իսրայելի և Պաղեստինի ղեկավարության հետ, որոնց հետ կքննարկի Թուրքիայի, Հորդանանի, Քաթարի, ԱՄԷ-ի և Սաուդյան Արաբիայի առաջարկները։
ԱՄՆ պետքարտուղարն իր՝ տարածաշրջան կատարած այցը կավարտի Եգիպտոսի նախագահի հետ հանդիպումով։
Սա Էնթոնի Բլինկենի չորրորդ ուղևորությունն է Մերձավոր Արևելք երեք ամսվա ընթացքում:
Սպիտակ տան գլխավոր նպատակը, ըստ ամերիկացի փորձագետների, Իսրայելի և ՀԱՄԱՍ-ի միջև հակամարտությունը տարածաշրջանային հակամարտության չվերածելն է։