Բացահայտիր Շիրակը-Շառլ Ազնավուրի արձանը Գյումրիում
Գյումրիի Շառլ Ազնավուրի հրապարակում է գտնվում աշխարհահռչակ ֆրանսահայ երգիչ, երգահան և բարերար Շառլ Ազնավուրի տպավորիչ արձանը։
Հուշարձանի տեղադրման նախաձեռնությունը եղել է 1996 թվականին, իսկ աշխատանքները մեկնարկել են 1997-ին։
Արձանը հանդիսավորությամբ բացվել է 2001 թվականի սեպտեմբերի 22-ին, որի արարողությանը անձամբ ներկա է գտնվել հենց ինքը՝ Շառլ Ազնավուրը։
Հեղինակները․
Քանդակագործ՝ Հայաստանի վաստակավոր նկարիչ Սամվել Պետրոսյան
Ճարտարապետ՝ Հայաստանի ժողովրդական ճարտարապետ, ակադեմիկոս Արթուր Թարխանյան (ով նույնպես ներկա է եղել բացմանը)։
Չափերն ու կառուցվածքը․
Արձանը բրոնզաձույլ է, իսկ պատվանդանը՝ գրանիտից։ Ազնավուրի թիկունքում վեր է խոյանում ճարտարապետական կամարը։
Արձանի ընդհանուր բարձրությունը պատվանդանի հետ միասին 6 մետր 70 սմ է։
Հուշարձանն ընդգրկված է Գյումրիի պատմության և մշակույթի անշարժ հուշարձանների ցանկում։