Ինչպես է Լենա Նազարյանը կեղծում իրականությունը՝ թաքցնելով սեփական ձախողումները
Այսօր համայն հայությունը ոգեկոչում է Մեծ Եղեռնի զոհերի 105-րդ տարելիցը՝ բոլորիս միավորելով մեկ գաղափարի շուրջ…
Սակայն, ինչպես տեսնում ենք, գործող իշխանություններն այդպես չեն մտածում… Հայոց Մեծ եղեռնի 105-րդ տարելիցից մեկ օր առաջ իր անտրամաբանական և փորլուծության հետևանքներ հիշեցնող մտքերով հայտնի ԱԺ փոխխոսնակ Լենա Նազարյանն իր facebook-յան էջում գրառում է կատարել և իրենց իշխանության աշխատանքի արդյունք է ներկայացրել վերջին երկու տարում տարբեր երկրներում հայոց ցեղասպանությանը վերաբերող բանաձևերի և օրինագծերի ընդունումը… Սա Փաշինյանի թիմակցի քաղաքական անբարոյականության ցայտուն դրսևրումներից է…
Հետաքրքիր է, ինչպես է Նազարյան Լենան բացահայտել, որ 2019 թ-ի ապրիլի 10-ին Ֆրանսիայի նախագահ Էմանուել Մակրոնի կողմից ապրիլի 24-ը Հայոց ցեղասպանության հիշատակի ազգային օր ճանաչելու մասին հրամանագիրը իրենց իշխանության ջանքերի շնորհիվ է… Այդպես մտածողը պրիմիտիվ տգետ է… Նախ, դա Ֆրանսիայում բնակվող մեր հայրենակիցների ջանքերի և ՀՀ բոլոր իշխանությունների երկար տարիների աշխատանքի արդյունք է… Նույնն էլ Պորտուգալիայի խորհրդարանի կողմից Հայոց ցեղասպանությունը ճանաչող բանաձևի ընդունումն է… Կարո՞ղ է տիկին Նազարյանն իրենց թիմակիցների անունները տալ, ովքեր մեծ լումա ունեն վերը նշված գործընթացների մեջ… Չի կարող, քանի որ այդպիսիք գոյություն չունեն…
Տարրական տգիտություն է Նազարյան Լենայի այն պնդումը, որ 2019 թ․-ի հոկտեմբերի 30-ին ԱՄՆ Ներկայացուցիչների պալատի, իսկ դեկտեմբերի 12-ին ԱՄՆ Սենատի կողմից ընդունված Հայոց ցեղասպանությունը ճանաչող և դատապարտող բանաձևերը, ինչպես նաև 2020 թ․-ի փետրվարին Սիրիայի խորհրդարանի կողմից Հայոց ցեղասպանության ճանաչումը՝ Փաշինյանի իշխանության շնորհիվ է տեղի ունեցել… Տիկնոջը մեկը չկա՞ բացատրի, որ այդ ամենը զուտ Վաշինգտոն-Անկարա և Դամասկոս-Անկարա հարաբերությունների ծայր աստիճան լարման արդյունք է և որևէ կապ չունի ՀՀ ԱԳՆ-ի աշխատանքի արդյունավետության հետ…
Ավելին` տիկին Նազարյանին ցանկանում եմ իրենց արտաքին քաղաքականության տապալումների և Փաշինյանի ընկերների հակահայկական քայլերի մասին հիշեցնել, որոնք հիմնականում կապ ունեն մեր ԱԳՆ-ի և իրենց իշխանության անգործության հետ…
Դրանք են՝ ֆրանսիական դատարանների կողմից ընդունված քաղաքական որոշումները, որոնցով չեղարկվեցին Ֆրանսիայի և Արցախի բազմաթիվ քաղաքների միջև ստորագրված համագործակցության պայմանագրերը… Արցախում վերջերս տեղի ունեցած նախագահական և խորհրդարանական ընտրություններից հետո, Բաքվի ջանքերի շնորհիվ, հակահայկական հայտարարություններով հանդես եկան Փաշինյանի ընկերների կողմից ղեկավարվող երկրները՝ Կանադան, Վրաստանը և Ուկրաինան… Փաշինյանին համակրող Զելենսկու փոխարտգործնախարար Վասիլի Բոդնարը մարտի 26-ին պետական մարմիններին ուղղված նամակում ցուցումներ է տվել Հայոց ցեղասպանության զոհերի հիշատակին նվիրված միջոցառումներին չմասնակցել, իսկ մասնակցելուց էլ “Հայոց ցեղասպանություն” տերմինը չօգտագործելու մասին… Ինչո՞ւ Փաշինյանի ԱԳՆ-ն չի արձագանքում Բոնդարի այս լկտի դեմարշին… Թե՞ այդքան դուխ չունի…
Հ.Գ. ԱԺ փոխխոսնակի անամոթ այս գրառումը ցույց է տալիս, որ Փաշինյանը և նրա թիմակիցները պատրաստ են ամեն տեսակ էժանագին կեղծիքների իրենց չարածն իրենց վերագրելու համար, միևնույն ժամանակ՝ սեփական ձախողումների մասին գերադասելով լռել…
Գագիկ Համբարյանի ֆեյսբուքյան էջից