Հռոմի պապը քահանաներին կոչ է արել հանդիպել կորոնավիրուսով հիվանդների հետ

Հռոմի Ֆրանցիսկոս պապը քահանաներին խրախուսել է հանդիպել կորոնավիրուսով հիվանդներին, այցելել հիվանդանոցներ և աջակցություն հայտնել ինչպես ախտահարվածներին, այնպես էլ բուժանձնակազմին, գրում է mirror.co.uk կայքը։

Պապը նման հայտարարություն է արել է ԱՄՆ Վաշինգտոն նահանգում քահանայի՝ Covid-19–ով վարակված լինելու մասին լուրն իմանալուց հետո:

Ավելի վաղ Վատիկնում կիրակնօրյա պատարագի ժամանակ Հռոմի պապը, ավանդույթի համաձայն, պատուհանից այն կողմ ելույթ չի ունեցել․ պապի ուղերձը շենքի ներսից ուղիղ հեռարձակմամբ է ցուցադրվել․ դատարկ են եղել բոլոր աթոռները։

Նշվում է, որ չորեքշաբթի պոնտիֆիկոսը նույնպես պատուհանից ելույթ չի ունենա: Վերջին 66 տարվա մեջ եզակի դեպք է, երբ Հռոմի պապը խախտել է պատուհանից ելույթ ունենալու ավանդույթը։

Իտալիան Չինաստանից հետո համարվում է ամբողջ աշխարհում կորոնավիրուսից ամենաշատ տուժած երկիրը։ Երկրում կա մոտ 10 000 վարակակիր, գրանցվել է մահվան 463 դեպք։

Չինաստանի իշխանություններն անհայտ տեսակի վիրուսի համաճարակի մասին Առողջապահության համաշխարհային կազմակերպությանը տեղյակ էին պահել դեկտեմբերի 31-ին: Համաճարակը բռնկվել է 11 մլն բնակչություն ունեցող Ուհան քաղաքում: Վերջին տվյալների համաձայն՝ Չինաստանում կորոնավիրուսի հետևանքով զոհերի թիվը հասել է 3136-ի:

Կորոնավիրուսի նոր տեսակի համաճարակի հետևանքով աշխարհում զոհերի թիվը հատել է 4000-ի շեմը:

Share This

COMMENTS

Wordpress (0)
Disqus (0 )