Մարինե Թովմասյանը նշանակվել է Հանրային պաշտպանի գրասենյակի նոր ղեկավար

Հանրային պաշտպանի գրասենյակը նոր ղեկավար ունի

2026 թվականի նոյեմբերի 3-ին ՀՀ փաստաբանների պալատի խորհրդի միաձայն որոշմամբ 4 տարի ժամկետով Հանրային պաշտպանի գրասենյակի ղեկավար է նշանակվել Մարինե Սարգսի Թովմասյանը (փաստաբանական գործունեության արտոնագիր թիվ 530)։

Հանրային պաշտպանի գրասենյակի նորանշանակ ղեկավարն իր լիազորությունները կստանձնի 2026 թվականի նոյեմբերի 4-ից։

Մարինե Թովմասյանը փաստաբանական գործունեությամբ զբաղվում է 2006 թվականից։ Նա տարիներ շարունակ հանդիսացել է հանրային պաշտպան, զբաղեցրել է նաև Հանրային պաշտպանի գրասենյակի ղեկավարի տեղակալի պաշտոնը։