Արթուր Սուքոյանի մուտքն ԱԺ արգելափակվել է․ նա միջադեպի մասին գրառում է արել
Արթուր Սուքոյանը ֆեյսբուքյան իր էջում հայտնել է, որ իր մուտքն Ազգային ժողով արգելափակվել է՝ երեկ ԱԺ սրճարանում Վահագն Ալեքսանյանի հետ տեղի ունեցած միջադեպից հետո։
Սուքոյանի խոսքով՝ միջադեպի ընթացքում արտառոց ոչինչ տեղի չի ունեցել։ Նա պնդում է, որ Ալեքսանյանին «իր տեղն է ցույց տվել», ինչից հետո վերջինս փորձել է պատասխանել իրեն, ապա զանգահարել ԱԺ նախագահին՝ պահանջելով արգելափակել իր մուտքը խորհրդարան։
Գրառման վերջում Սուքոյանը նաև անձնական բնույթի մեկնաբանություն է արել՝ նշելով, որ Ալեքսանյանի՝ պաշտոն ստանալուց հետո էլ իր վերաբերմունքը չի փոխվել։
Նշենք, որ միջադեպի հանգամանքների և ԱԺ մուտքի արգելափակման պատճառների վերաբերյալ ներկայացված տեղեկությունները հիմնված են Արթուր Սուքոյանի հրապարակման վրա։
