Մոսկվայում բանկի հաճախորդը սկսել է հանել հագուստներն ու գոռալ
Մոսկվայի արևմուտքում բանկի հաճախորդը հանել է բոլոր հագուստները և բարձրաձայն գոռացել չկապակցված արտահայտություններ։ Այս մասին սեպտեմբերի 8-ին հայտնել է Ռուսաստանի Ազգային գվարդիայի Մոսկվայի գլխավոր վարչության մամուլի ծառայությունը։
Դեպքը տեղի է ունեցել Նիկուլինսկայա փողոցում, որտեղ արձագանքել են իրավապահները։ Ազգային գվարդիայի աշխատակիցները հայտնաբերել են 45-ամյա տղամարդուն մերկացած և անպարկեշտ արտահայտություններ անելիս, որով նա ահաբեկել է բանկի մյուս հաճախորդներին։
Խնդիր առաջացնողը ձերբակալվել և տեղափոխվել է ոստիկանություն, որտեղից հետագայում հոսպիտալացվել է։