4 միլիոն եվրո արժողությամբ ծրագրի շուրջ քրեական վարույթ․ ձերբակալվել են Նատալյա Լափաուրին և Դավիթ Հակոբյանը
Վանաձորում և Գյումրիում իրականացված շուրջ 4 միլիոն եվրո արժողությամբ ծրագրի շրջանակում ձերբակալվել են ծրագրի ղեկավար Նատալյա Լափաուրին և նույն ծրագրի փորձագետ Դավիթ Հակոբյանը, հայտնում է «Ազատությունը»։
Ըստ հրապարակման՝ Նատալյա Լափաուրին ծրագրի ղեկավարությունն իրականացրել է շուրջ չորս տարի, իսկ Դավիթ Հակոբյանը հանդես է եկել որպես ծրագրի փորձագետ։ Հակոբյանը ներկայում զբաղեցնում է Վանաձորի համայնքապետարանի գնումների բաժնի պետի պաշտոնը։ Այս հանգամանքը հաստատվում է նաև համայնքապետարանի պաշտոնական կայքում։
Ծրագրի շրջանակում Վանաձորի և Գյումրու ուղղությամբ իրականացված աշխատանքների և դրանց ֆինանսական օգտագործման վերաբերյալ իրավապահների գործողությունները, ըստ հրապարակված տեղեկությունների, շարունակվում են։
Միաժամանակ, անհրաժեշտ է հաշվի առնել անմեղության կանխավարկածը․ ձերբակալված անձինք համարվում են անմեղ, քանի դեռ նրանց մեղավորությունն ապացուցված չէ դատարանի՝ օրինական ուժի մեջ մտած դատավճռով։