Շիրակի թեմը շնորհավորում է Նարեկ եպիսկոպոս Ավագյանին ծննդյան տոնի առթիվ
Շիրակի թեմի հոգևորականաց դասը, աշխատակազմն ու հավատավոր ժողովուրդը շնորհավորում են Արթիկի թեմի առաջնորդ, Շիրակի թեմի հոգևոր տեսուչ Գերաշնորհ Տեր Նարեկ եպիսկոպոս Ավագյանի ծննդյան տոնի կապակցությամբ:
Մեր թեմի առաջնորդ՝ Գերաշնորհ Տեր Միքայել արքեպիսկոպոս Աջապահյանի ապօրինի կալանավորումից հետո, Վեհափառ Հայրապետի տնօրինությամբ Դուք հանձն առաք Ձեր նպաստը բերելու մեր թեմի բնականոն գործունեության, որի համար մեր շնորհակալությունն ենք հայտնում և մաղթում, որ էլ առավել արդյունաբեր լինի Ձեր կյանքը և հոգևոր ծառայության յուրաքանչյուր օրը՝ պսակված Տիրոջ շնորհով, իմաստությամբ և զորությամբ։
Աղոթում ենք, որ Ամենակալ Աստված երկար տարիների կյանք, քաջառողջություն, անսպառ զորություն պարգևի Ձեզ՝ Ձեր Աստվածահաճո առաքելությունը շարունակելու ճանապարհին։ Ձեր բարի գործերը թող բազմապատկվեն՝ ի փառս Աստծո և ի բարօրություն մեր ժողովրդի։
Որդիական խոնարհութեամբ մատչիմք ի համբոյր Ձերդ Սրբազնութեան օծեալ աջոյն: