Գյումրիի ավագանու անդամ Լուսինե Անանյանը մասնակցել է Միջազգային հակաֆաշիստական ֆորումին
Գյումրիի ավագանու կազմում ներկայացված Կոմունիստական կուսակցության խմբակցության քարտուղար Լուսինե Անանյանը մասնակցել է «Միջազգային հակաֆաշիստական ֆորումին»։
Ֆորումը կազմակերպվել է «Միջազգային ահաբեկչության, կամայականության և ագրեսիայի դեմ պայքար․ հանուն խաղաղության և անվտանգության» խորագրով։ Մասնակիցները քննարկել են համաշխարհային անվտանգությանը վերաբերող հարցեր, հակաֆաշիստական պայքարի արդիական խնդիրներն ու միջազգային համագործակցության կարևորությունը։
Լուսինե Անանյանը, ով հանդիսանում է Գյումրի քաղաքի ավագանու Կոմունիստական կուսակցության խմբակցության քարտուղարը, ֆորումի շրջանակում ներկայացրել է խաղաղության, ժողովուրդների միջև համերաշխության և տարածաշրջանային կայունության կարևորությունը։
Ֆորումին մասնակցել են տարբեր երկրների հասարակական-քաղաքական գործիչներ, փորձագետներ և կազմակերպությունների ներկայացուցիչներ։