Իրանը պատրաստվում է նոր օրենքով վճար սահմանել Հորմուզի նեղուցով անցման համար
Իրանը Հորմուզի նեղուցով անցնելու նոր կարգի մասին օրենք է պատրաստում․ հայտնում են Իրանի խորհրդարանից։
«Հորմուզի նեղուցով անցման նոր ընթացակարգերի մասին օրենքը կընդունվի Իրանի խորհրդարանի աշխատանքները վերսկսելուց անմիջապես հետո»,- հայտարարել է Իսլամական Հանրապետության մեջլիսի ազգային անվտանգության և արտաքին քաղաքականության հանձնաժողովի անդամ Ալաեդդին Բորուջերդին։
Հաղորդվում է նաև, որ Իրանի Կենտրոնական բանկը չորս հաշիվ է բացել տարբեր արժույթներով՝ նեղուցով անցնելու վճարներ գանձելու համար, սակայն թվային արժույթի ենթակառուցվածքի գործարկումից հետո վճարումները կկատարվեն ռիալներով։