«Ուրսուլա ֆոն դեր Լայեն․ Հայաստանը նոր մակարդակի է բարձրացնում համագործակցությունը ԵՄ-ի հետ»
2018-ին Ձեր թավշյա հեղափոխությունը ի ցույց դրեց ձեր երկրի հանձնառությունը Եվրոպական արժեհամակարգին, ժողովրդավարությանը․ Փաշինյանի և Անտոնիու Կոշտայի հետ համատեղ հայտարարության ընթացքում ասել է Եվրոպական հանձնաժողովի նախագահ Ուրսուլա ֆոն դեր Լայենը։
«Մենք հենց նոր ստորագրեցինք փոխկապակցվածության գործընկերության փաստաթուղթը, որը մեր համագործակցությունը նոր մակարդակի է բերում։ Եթե ես սկսեմ առաջին հենասյունից, այս երեքից, առաջինը տրանսպորտն է: Շատ քիչ երկրներն են այդքան եզակի դիրքավորված, ինչպես Հայաստանը։ Ձեր խաղաղության խաչմերուկ նախաձեռնությունը ներուժ ունի կապելու Եվրոպան Հարավային Կովկասի հետ և Կենտրոնական Ասիայի և, ինչպես դուք նկարագրեցիք, վերածելով Հայաստանը անկյունաքարային տրանսպորտային հանգույցի։ Մենք արդեն պատրաստ ենք աշխատել սահմանակետերը վերականգնելու, վերակառուցելու, երբ ձեր հարևան երկրների հետ սահմանները բացվեն։ Մենք գիտենք, թե ինչքան կարևոր է Հայաստանի համար կուռ ինտեգրվելը ռեգիոնալ տրանսպորտային ցանցերում»,-ասել է ֆոն դեր Լայենը։
ԵՀ նախագահի խոսքով՝ երկրորդ կարևոր հենասյունը էներգետիկան է․ Հայաստանի արագ զարգացումը արևային էներգետիկայի ոլորտում նշանակալի է։
«Երկրորդ գերակայությունը անվտանգային ոլորտներում գերակայությունն է․ Հայաստանը պետք է նաև դիմակայի հիբրիդ սպառնալիքներին, ինֆորմացիոն դաշտի մանիպուլյացիաներին։ Եվրոպական մեր գործընկերությունը նպաստելու է դրա դեմն առնելուն»,- ասել է նա՝ ընդգծելով, որ ԵՄ-ի հետ առաջին առաջընթացի զեկույցը խիստ դրական է։
Ֆոն դեր Լայենը նշել է, որ չորրորդ գերակա ուղղությունը տնտեսական աջակցությունն ու սոցիալական դիմակայությունն է։