Չինաստան կատարած այցի ընթացքում Հնդկաստանի վարչապետ Նարենդրա Մոդիի հետ նախագահական Aurus լիմուզինով համատեղ ուղևորությունը եղել է Ռուսաստանի առաջնորդ Վլադիմիր Պուտինի որոշումը, հայտնել է նրա օգնական Յուրի Ուշակովը, հաղորդում է РИА Новости-ն։Այս մասին նա պատմել է «Մոսկվա. Կրեմլ. Պուտին» հաղորդման հեղինակ և համահաղորդավար Պավել Զարուբինին՝ Россия 1 հեռուստաալիքի եթերում։
«Սա մեր նախագահի որոշումն էր և նրա ընկերոջ՝ Հնդկաստանի վարչապետի համաձայնությունը», — ասել է Ուշակովը։
Ըստ նրա, դա Ռուսաստանի կողմից որոշակի ժեստ էր։
«Նրանք ելքի մոտ հանդիպեցին և պայմանավորվեցին, որ մեկ մեքենայով կգնան։ Կարծում եմ սա նույնպես ժեստ էր մեր կողմից», — նշել է Ուշակովը։