Գյումրու քաղաքապետը գործարարների հետ քննարկել է տնտեսական խթանման ուղիները
Այսօր Գյումրու քաղաքապետ Վարդան Ղուկասյանը հանդիպել է քաղաքի տասնյակից ավել գործարարների հետ՝ քննարկելու Գյումրիում բիզնեսի զարգացման ընթացիկ խնդիրներն ու հնարավորությունները։ Հանդիպման ընթացքում կողմերը բարձրաձայնել են տարբեր ոլորտներում առկա խոչընդոտները՝ սկսած ենթակառուցվածքներից մինչև արտահանման բարդություններ։
Քաղաքապետը կոչ է արել գործարարներին խնդիրներն ամփոփել գրավոր ձևով՝ դրանք առավել արդյունավետ լուծելու նպատակով։ Նա կարևորել է ռուսական շուկայի ներուժի օգտագործումը՝ առաջարկելով համատեղ մշակել ուղիներ, որոնք Գյումրու արտադրողներին ու ծառայություն մատուցողներին կօգնեն հասանելիություն ստանալ շուկային։
Այս հանդիպմամբ շարունակական համագործակցության սկիզբ է դրվել՝ նպատակ ունենալով քաղաքում խթանել տնտեսության աճը և նպաստել նոր աշխատատեղերի ստեղծմանը։