Թվային մեդիայի կիրառումը մեծացնում է հասարակության ձանձրույթի մակարդակը. CommsPsy
Տորոնտոյի համալսարանի կանադացի գիտնականները կապ են հայտնաբերել թվային մեդիայի և ձանձրույթի աճող զգացողությունների միջև: Հետազոտությունը հրապարակվել է Communications Psychology (CommsPsy) գիտական հանդեսում:
Ըստ ազգային հարցումների և հետազոտությունների՝ այսօր ավելի, քան երբևէ, մարդիկ շատ են ձանձրույթ զգում։ Ընդ որում՝ ձանձրույթի ցուցանիշերը զգալիորեն աճել են 2009 թվականից ի վեր՝ հատկապես դեռահասների և քոլեջի ուսանողների շրջանում:
Հաշվի առնելով, որ խրոնիկական ձանձրույթը կապվհած է այնպիսի խնդիրների հետ, ինչպիսին անհանգստությունն է, դեպրեսիան և նույնիսկ ագրեսիվ վարքը, գիտնականները որոշել են պարզել այդ երևույթի պատճառը։
Հեղինակները պնդում են, որ թվային մեդիան խիստ բարձր նշաձող է սահմանում ներգրավվածության համար՝ անընդհատ հատուցող խթանների հոսք ապահովելով:
Այս մոդելը խրախուսում է օգտվողներին ավելի շատ խթաններ փնտրել՝ բարձրացնելով «բավականին ուշագրավ»-ի նկատմամբ նրանց ակնկալիքները:
Օրինակ՝ սոցիալական մեդիայի բովանդակության էվոլյուցիան՝ տեքստից անցում դեպի պատկերներ և կարճ տեսանյութերի անցումը, արտացոլում է օգտատերերի ուշադրությունը գրավելու համար ավելի արագ և ինտենսիվ ներգրավվածության աճող անհրաժեշտությունը:
Արդյունքում, գործողությունը, որը չի համապատասխանում խթանման այս մակարդակին, օրինակ՝ գիրք կարդալը կամ դասախոսության հաճախելը, կարող են ձանձրալի թվալ:
Մյուս խնդիրն այն է, որ թվային լրատվամիջոցները մասնատում են ուշադրությունը՝ դժվարացնելով կենտրոնանալ մեկ զբաղմունքի վրա: Սմարթֆոններն առաջարկում են բազմաթիվ շեղումներ՝ ծանուցումներ, բազմաթիվ հավելվածներ և գործողությունների միջև արագ անցնելու հնարավորություն, որոնք խախտում են կայուն կենտրոնացումը:
Հետազոտությունները ցույց են տալիս, որ հաճախակի ընդհատումները նվազեցնում են օգտատերերի բավարարվածությունը և մեկ առաջադրանքում գլխովին ընկղմվելու ունակությունը, ինչը ձանձրույթի ավելի մեծ հավանականության է հանգեցնում:
Երրորդ հիմնական մեխանիզմը ներառում է իմաստի զգացում, որը հեղինակները նկարագրում են որպես անհրաժեշտ կայուն փոխգործակցության համար: Թվային լրատվամիջոցները, հատկապես սոցիալական մեդիան և վեբ-սերֆինգը, հաճախ մասնատված և տարանջատված տեղեկություն են տրամադրում:
Այս տարանջատված փորձառությունները կարող են նվազեցնել կապի և իմաստի զգացումը, ինչը մարդկանց ստիպում է զգալ, որ առցանց անցկացրած իրենց ժամանակն անիրագործելի է:
Հետազոտողներն ընդգծել են, որ թվային մեդիան, անվերջ խթանելով հանդերձ, պարադոքսալ կերպով նպաստում է ձանձրույթի աճին՝ մեծացնելով ներգրավվածության պահանջները և նվազեցնելով ուշադրությունը: