«Իրավիճակն այստեղ փոխվում է ամեն րոպե, բայց սա ուժեղ շարժում է». Հրանտ Բագրատյանը հարցազրույց է տվել «ՌԻԱ Նովոստի»-ին
![«Իրավիճակն այստեղ փոխվում է ամեն րոպե, բայց սա ուժեղ շարժում է». Հրանտ Բագրատյանը հարցազրույց է տվել «ՌԻԱ Նովոստի»-ին](https://newspress.am/timthumb.php?src=disc/30-05-24/ed217221029c3386978ac1d4dddaca28.jpg&w=780)
Հայաստանում բողոքի ակցիաները կարող են հանգեցնել վարչապետ Նիկոլ Փաշինյանի հրաժարականին, եթե ավելի լայն աջակցություն ստանան երկրի ներսում, կարծում է ՀՀ նախկին վարչապետ Հրանտ Բագրատյանը: Այս մասին գրում է «ՌԻԱ Նովոստի»-ին գործակալությունը:
Մայիսի 9-ից Երևանում բողոքի ակցիաներ են տեղի ունենում՝ Փաշինյանի հրաժարականի, Ադրբեջանի հետ սահմանի սահմանազատման գործընթացի դադարեցման և Բաքվին մի շարք սահմանային տարածքների չհանձնելու պահանջներով։ Բողոքի ակցիան գլխավորում է Հայ առաքելական եկեղեցու Տավուշի թեմի առաջնորդ Բագրատ արքեպիսկոպոս Գալստանյանը։ Բողոքի շարժման մասնակիցներն առաջարկել են նրա թեկնածությունը Հայաստանի կառավարության ղեկավարի պաշտոնում։
«Իրավիճակն այստեղ փոխվում է ամեն րոպե, բայց սա ուժեղ շարժում է», – ՌԻԱ Նովոստիին ասել է Բագրատյանը Մոսկվայում Լազարևի ակումբի հանդիպման շրջանակում։
Նրա կարծիքով՝ այն, ինչ տեղի է ունենում, կարող է հանգեցնել Փաշինյանի հրաժարականին, եթե ավելի շատ մարդիկ միանան բողոքի ակցիաներին, և այլ պետություններ իրենց աջակցությունը հայտնեն։ Առայժմ Փաշինյանի աջակցությունն օտար, հատկապես արևմտյան շրջանակներից, շարունակվում է, հավելել է գործակալության զրուցակիցը։