ԱՄՆ-ում բացահայտվել է հայերի հանցավոր գործունեությունը՝ կապված ՀՀ քաղաքացիների անօրինական տեղափոխման հետ
Կալիֆոռնիայի 32-ամյա բնակիչ Հրաչյա Աթոյանն իրեն մեղավոր է ճանաչել Հայաստանի քաղաքացիներին ժողովրդական պարեր ցուցադրողների անվան տակ ԱՄՆ տեղափոխելու համար մշակված ծրագրին մասնակցություն ունենալու մեջ:
Ինչպես փոխանցում է Rusarminfo-ն՝ հղում անելով Ամերիկայի ձայնին, խումբը, որում ընդգրկված է եղել Աթոյանը, ԱՄՆ-ի միգրացիոն մարմիններին տեղեկացրել է պարողների ժամանման մասին, որոնք իբրև պետք է ելույթ ունենային Նահանգներում, և մուտքի արտոնագրեր է պահանջել «Եզակի մշակութային արտիստների» (Culturally Unique Artist) համար:
Նշվում է, որ Աթոյանը և նրա հանցակիցները Հայաստանի քաղաքացիներից 3-10 հազար դոլար են պահանջել կեղծ պարախմբի կազմում ԱՄՆ ուղարկելու համար:
Գործով որպես ամբաստանյալ են հանդիսանում նաև Ստելլա Բոյաջյանը և Դիանա Գրիգորյանը, որոնք արդեն ընդունել են իրենց մեղքը: