Քարդաշյան-Ջեններ ընտանիքի տոնածառերը

Քարդաշյան-Ջեններ կլանի տոնածառերը ամենահետաքրքիրներից են։ Թեեւ ոչ բոլորն են հավանություն տալիս ինտերիերի հարցում ընտանիքի ճաշակին, չի կարելի ժխտել, որ նրանց տոնական զարդարանքները հիանալի տեսարան են ներկայացնում: Ահա, թե ինչպես են այս տարի հայտնի ընտանիքի անդամները որոշել զարդարել իրենց տոնածառերը։

Քիմ Քարդաշյան

келка.jpg (82 KB)

Այս տարի Քիմ Քարդաշյանը զարդերանքի հարցում ընտրել է պարզությունը, բայց շատ է եղել տոնածառերի քանակը․ լուսավորված եղեւնիների մի ամբողջ անտառ՝ հատակից մինչեւ առաստաղ:

келка1.jpg (89 KB)

Կարծես Քիմի գլխավոր ծառն ամբողջությամբ պատված է դեղին, փայլատակող լույսերով: Առանց որեւէ դեկորացիայի կամ նույնիսկ գագաթի, նրա տոնածառը համընկնում է ինտերիերի մյուս լուծումների հետ՝ պարզ եւ էլեգանտ:

Քայլի Ջեններ

кайлел.jpg (143 KB)

Քայլիի տոնածառը նույնպես մինիմալիստական ​​է՝ մի քանի դեկորացիաներ, որոնք վառ գույներ են փոխանցում, եւ ոչ մի ավելորդ բան: Հսկայական ծառի շուրջ փաթաթված սպիտակ ծաղկային կոմպոզիցիաները դրան դասական տեսք են հաղորդում, մինչդեռ դեկորացիաներն այն ավելի անհատական ​​են դարձնում:

Քլոե Քարդաշյան

хло.jpg (59 KB)

Քլոեն իր Instagram-ում եւ Snapchat-ում մի քանի տեսանյութ է հրապարակել, որտեղ երեւում է, թե ինչպես են իր երկու երեխաները՝ Թրուն ու Թաթումը, տոնածառի շուրջ պարում Ռոբ Քարդաշյանի դստեր՝ Դրիմի հետ։ Քլոեն ընտրել է սպիտակ եւ արծաթյա զարդեր, իսկ ձմեռային մթնոլորտը փոխանցել է ծառի կողքին դրված արհեստական ​​սպիտակ եղջերուներով:

Քորթնի Քարդաշյան

корт.jpg (115 KB)

Քորթնին Instagram-ում կիսվել է իր պարզ տոնածառի նկարով, ինչպես նաեւ՝ մի տեսանյութով, որտեղ մի քանի էլֆեր են պատկերված, որոնք սահում են թղթե բլրի վրայով: Քորթնին որոշել է չօգտագործել դեկորացիաներ՝ սահմանափակվելով դեղին լուսավորությամբ։

корт1.jpg (97 KB)

Նրա երկրորդ տոնծառը զարդարանքով նման է առաջինին, բայց ճեմասրահում այն ​​շատ ավելի շքեղ տեսք ունի՝ բարձր առաստաղի եւ բազմաթիվ կամարների ներքո:

корт2.jpg (84 KB)

Քորթնիի ամուսինը՝ Թրեւիս Բարքերը, Instagram-ում հրապարակել է իր տոնածառի լուսանկարը, որի կողքին տեղադրված է հսկայական չափսի կմախք:

Քենդալ Ջեններ

кенделка.jpg (91 KB)

Քենդալի հարմարավետ տոնական հյուրասենյակը նախանձելի է։ Նրա ծառը զարդարված է փայլերով, բազմաթիվ զարդանախշերով ու ավանդական լույսերով:

Share This