Փաշինյանին <<հարձակվող քառյակը>> շատ նեղ դրության մեջ կարող է դնել

Արդեն երկու օր է Բաքվի քարոզչամեքենան ձեռնամուխ է եղել Հայաստանից «ադրբեջանատյացի» կերպարի ձեւավորմանը։ Առիթը տրվել է Երեւանում․ զարմանալ պետք չէ․ Ալիեւի վարչակազմում հմտորեն օգտագործել են «Հայելի» ակումբի վրա իրականացրած ոտնձգությունն ու այն ներկայացնում թե իրենց, թե աշխարհին՝ «Հայաստանում լրաջվամիջոցի վրա հարձակում է եղել այն պատճառով, որ հրապարակել են Ալիեւի խոսքը՝ ասված «Վալդայ» ակումբի նիստի ժամանակ» տրամաբանությամբ։ Առաջիկայում սպասվում է ԵԱՀԿ Մինսկի խմբի համանախագահների այցը Երեւան եւ Բաքու։ Մինչ այդ, «Արցախը Հայաստան է եւ վերջ» հայտարարության համար, հնարավոր բոլոր խողովակներով համանախագահ երկրներ Ֆրանսիան, Ռուսաստանն ու ԱՄՆ-ն իրենց դժգոհությունները հայտնել են՝ ներառյալ նաեւ այդ դժգոհությունը չթաքցնելով նաեւ հրապարակային հայտարարություններում արված ուղիղ կամ ակնարկային խոսքում։ «Հայելիի» վրա հարձակումով հիմա Բաքուն կերտում է «ագրեսոր ու ադրբեջանատյաց Հայաստանի» կերպարը, մի բան, որի հակառակը արդեն քսան տարի արել է Հայաստանը, ասելով, որ Ադրբեջանում պետական մակարդակի վրա է բարձրացվել հայատյացությունը։ Օրեր առաջ Բաքվում ինչ որ ցույց էին ցրում, ու զոհված զինվորականի հայրն ասում էր «Հայը որ հայ է նման կերպ չի վարվում»։ Հասկանալի է, թե ինչ դոզայի հայատյացություն կա Ադրբեջանում։ Ու փոխանակ օգտագործվեր այս հանգամանքը, արվեց մի քայլ, որը ուղիղ հարված հասցրեց Հայաստանի դիրքերին։ Ու քանի ներողություն է դեռ խնդրելու Նիկոլ Փաշինյանը համանախագահներից, որ «ջրի» այս «թեման» դեռ հայտնի չէ, եթե իհարկե կարողանա ջրել, որովհետեւ հանրահռչակված փաստ է, հարձակումն իրականացնողներն իրեն սատարողներն են, իր գաղափարակիցները, իր աջակիցները։

Share This

COMMENTS

Wordpress (0)
Disqus (0 )