Քիմ Քարդաշյանը Ջանեթ Ջեքսոնի համերգին գնացել էր նրա արխիվային հագուստով, որը ձեռք է բերել 25000 դոլարով
Ջանեթ Ջեքսոնի համերգին ներկայանալու համար Քիմ Քարդաշյանն ընտրել էր երգչուհու՝ 1993 թվականի «If» սինգլի տեսահոլովակի հագուստը, որը գնել էր 2021 թվականին՝ աճուրդում:
Կերպարը բաղկացած է կոճակներով սեւ տոպից, որը երկու կողմից զարդարված է զիգզագաձեւ սպիտակ ժապավեններով: Որպես աքսեսուար՝ Քարդաշյանն ընտրել էր թաշկինակ, որը վերնամասի սպիտակ հատվածի կրկնօրինակն էր։
Նա նաեւ կրում էր սեւ թավշյա տաբատ, որը լրացված է ծոպերով: Համույթը ամբողջացնելու համար Քարդաշյանն ընտրել էր սեւ երկարաճիտ կոշիկներ եւ խոշոր օղակաձեւ ականջօղեր:
Քարդաշյանը 2021 թվականին Ջեքսոնի այս հանդերձանքը գնել էր 25 հազար դոլարով։
Ռեալիթի աստղը իրադարձության մասին արխիվային նյութ է վերահրապարակել, որում հենց ինքը՝ Ջեքսոնն արձագանքել է գնման լուրերին՝ նշելով. «Շատ շնորհակալ եմ, Քիմ: Հուսով եմ՝ կվայելեք «If»-ն այնքան, որքան ես»:
