Վաշինգտոնում սպանել են Իսրայելի դեսպանատան երկու աշխատակցի
Վաշինգտոնում Հրեական թանգարանի մոտ սպանվել է Իսրայելի դեսպանատան երկու աշխատակից։ Այս մասին հայտարարել Է Միացյալ Նահանգների ներքին անվտանգության նախարարության ղեկավար Քրիստի Նոյեմը X-ում։
«Իսրայելի դեսպանատան երկու աշխատակիցները զուր տեղը սպանվել են Վաշինգտոնի հրեական թանգարանում: Մենք ակտիվ հետաքննություն ենք անցկացնում և աշխատում ենք լրացուցիչ տեղեկություններ ստանալու ուղղությամբ», – ասել է նախարարը։
Նոյեմն ընդգծել է, որ հարձակվողը չի խուսափի կատարվածի համար պատասխանատվությունից։