Ջենիֆեր Լոպեսը, Շարլիզ Թերոնը և այլ հայտնիներ ներկա են գտնվել Կինոարվեստների ամերիկյան ակադեմիայի հերթական մրցանակաբաշխությանը (լուսանկարներ)
Հոլիվուդի ամենավառ ներկայացուցիչները ներկա են գտնվել Լոս Անջելեսի «Դոբլի» թատրոնում անցկացող Governors Awards 11-րդ ամենամյա մրցանակաբաշխության գալա-երեկոյին:
Ինչպես ներկայացնում է Daily Mail-ը, կիրակի կայացած մշակութային իրադարձությանը ներկա են գտնվել դերասանուհիներ Ջենիֆեր Լոպեսը, Շարլիզ Թերոնը, Սքարլեթ Յոհանսոնը, Լուպիտա Նիոնգոն, Ռենե Զելվեգերը, Օլիվիա Ուայլդը և այլ հայտնիներ:
Պարբերականն ուշադրություն է դարձրել վերջերս 50-ամյակը տոնած Ջենիֆեր Լոպեսին, որը ևս մեկ անգամ տպավորել է ներկաներին իր շլացուցիչ տեսքով: Մյուս աստղային հյուրերը ևս տպավորություն են գործել և անկաշկանդ լուսանկարվել թե՛ միասին, թե՛ առանձին-առանձին:
Governors Awards ամենամյա մրցանակաբաշխությունը կազմակերպում է Կինոարվեստների և գիտության ամերիկյան ակադեմիան: Միջոցառմանը, սովորաբար, շնորհվում է երեք մրցանակ, որոնք նշանավորում են ֆիլմարտադրության ոլորտում կյանքի ընթացքում ունեցած նվաճումներն ու ավանդը:
