Մակրոնի սկանդալային հայտարարությունից հետո Ֆրանսիայից դիմել են Ռուսաստանին

Ֆրանսիական Le Figaro հրատարակության ընթերցողները դատապարտել են Ֆրանսիայի նախագահ Էմանուել Մակրոնի հայտարարությունը Ուկրաինա զորքեր հնարավոր ուղարկելու մասին։

«Ռուսներ, Մակրոնը երկու օրից կասի, որ այլ բան է նկատի ունեցել»,- գրել է մեկնաբաններից մեկը։

«Ֆրանսիական ցամաքային զորքերը բարձր ինտենսիվության հակամարտություն ուղարկելը` մահացության բարձր մակարդակով, առավելագույնը մոտ 48 ժամվա ընթացքում  կունենա հանրային աջակցություն»,- նշել է մեկ ուրիշը:

«Մակրոնը վտանգավոր է: Նրա հայտարարություններն անպատասխանատու են: Եկել է բանակցությունների ժամանակը, որը վերջ կդնի այս անիմաստ հակամարտությանը»,- ասաց երրորդը:

«Իմ տեսանկյունից ամեն ինչ պարզ է. կարծում եմ, որ Մակրոնը խելագարվում է»,- իր կարծիքն է հայտնել մեկ այլ օգտատեր։

«Ֆրանսիացի զինվորականները չեն ցանկանում կռվել Ուկրաինայի համար», – եզրակացրել են ընթերցողները:

Անցած երեկոյան Մակրոնը, Փարիզում կայացած Ուկրաինային աջակցելու կոնֆերանսի արդյունքներով լրագրողների հետ զրույցում ասել է, որ արևմտյան երկրների ղեկավարները քննարկում են զորքեր ուղարկելու հնարավորությունը, սակայն կոնսենսուսի չեն եկել։

«Unbowed France» կուսակցության հիմնադիր Ժան-Լյուկ Մելենշոնը դատապարտել է Մակրոնի հայտարարությունը` ընդգծելով, որ Ուկրաինա զորք ուղարկելը Ֆրանսիան կդարձնի հակամարտության կողմ, իսկ Ռուսաստանի հետ հնարավոր պատերազմը խելագարություն անվանեց։