Հնդկական տաճարում հրմշտոցի հետևանքով առնվազն վեց մարդ է զոհվել
Հնդկական հյուսիսային Հարիդվար քաղաքի Մանսա Դևի տաճարում մեծ բազմության հավաքվելուց հետո հրմշտոցի հետևանքով առնվազն վեց մարդ է զոհվել, հաղորդում է ANI-ն՝ հղում անելով Գարհվալ շրջանի կոմիսար Վինայ Շանկար Պանդեյին։
Հնդկական հյուսիսային Ուտտարախանդ նահանգի գլխավոր նախարարը հայտնել է, որ տեղական ոստիկանությունը և փրկարարական խմբերը հասել են դեպքի վայր և իրականացնում են փրկարարական աշխատանքներ։
Վիրավորներին տեղափոխել են տեղի հիվանդանոց։