Հայտնաբերվել է սովորություն, որը բարձրացնում է շաքարային դիաբետի զարգացման հավանականությունը
Նյու Յորքի Բժշկական քոլեջի գիտնականները պարզել են, որ ծխախոտի գործածությունը զգալիորեն բարձրացնում է երկրորդ տիպի շաքարային դիաբետի զարգացման հավանականությունը: Ինչպես գրում է iz.ru-ն՝ հետազոտության արդյունքները հրապարակվել են Nature պարբերականում:
Մասնագետները գիտափորձեր են անցկացրել լոբորատոր մկների վրա և հայտնաբերել կապ նիկոտիտի և շաքարային դիաբետի միջև: Պարզվել է, որ նիկոտինն ազդում է էպիթալամուսի նեյրոնների վրա և ստիպում է ենթաստամոքսային գեղձին ավելի քիչ ինսուլին արտադրել, ինչի հետևանքով էլ արյան մեջ գլյուկոզայի մակարդակը բարձրանում է:
«Նիկոտինային կախվածության ու շաքարային դիաբետի զարգացման միջև նման սերտ կապի գոյությունը խոսում է այն մասին, որ և՛ այս, և՛ այն ախտաբանությունների բուժման ու կանխարգելման համար կարելի է կիրառել նույն մեթոդները», – նշում է հետազոտության հեղինակներից մեկը՝ Փոլ Քեննին: