Համեղ ու օգտակար թեյ փորափքանքից ազատվելու համար

Փորափքանքն ու գազերի կուտակումը բավական տհաճ ու տարածված խնդիր է, սակայն դրանից կարելի է ազատվել բնական արդյունավետ մի դեղամիջոցի օգնությամբ:

Այս դեղամիջոցի գլխավոր բաղադրիչը մեխակն է, որն ամենատարածված համեմունքներից մեկն է: Սակայն այս համեմունքը դարեր շարունակ կիրառվում է նաև որպես արդյունավետ դեղամիջոց տարբեր հիվանդությունների դեպքում:

Մեխակը հիանալի հակամակաբուծային միջոց է, որը նաև բարելավում է մարսողությունը: Բացի այդ, այն հակամանրէային ազդեցությամբ օժտված արդյունավետ ցավազրկող միջոց է և օգնում է ազատվել բերանի խոռոչի տհաճ հոտից:

Իր հակասեպտիկ ու ցավազրկող հատկությունների շնորհիվ մեխակը հիանալի միջոց է նաև փորափքանքից ազատվելու համար: Ձեր ուշադրությանն ենք ներկայացնում մի համեղ ու օգտակար թեյի բաղադրատոմս, որը կօգնի ազատվել այս խնդրի տհաճ ախտանշաններից:

Անհրաժեշտ բաղադրիչներն են.

·         2-3 հատ մեխակ,

·         1 գդալ բնական մեղր (կամ մեղրախոտ),

·         1 թեյի գդալ կանաչ թեյ,

·         200 մլ ջուր:

Պատրաստման եղանակը.

Թեյը պատրաստելու համար հարկավոր է ջուրը եռացնել, ավելացնել մեխակներն ու վերցնել այն կրակից: Այնուհետև ավելացնել կանաչ թեյն ու թրմել 10 րոպե: Երբ թեյը թրմվի, ավելացնել մեղրն ու ըմպել այն: Սակայն հարկ է հիշել, որ մեղրի փոխարեն որպես քաղցրացուցիչ մեղրախոտ օգտագործելու դեպքում այն հարկավոր է ավելացնել ըմպելիքին կանաչ թեյի հետ: