Կոչ ենք անում զերծ մնալ հակաիրավական գործողություններից և չհրահրել բախումներ.ՆԳՆ
Քիչ առաջ ՆԳՆ-ն հայտարարություն է տարածել՝ դիմելով Բաղրամյան, Պռոշյան և Դեմիրճյան փողոցներում իրականացվող ցույցի մասնակիցներին: Հայտարարության մեջ ասված է.
«Բաղրամյան պողոտա-Դեմիրճյան փողոց խաչմերուկում տեղի ունեցող ակցիայի որոշ մասնակիցներ ոստիկանների ուղղությամբ նետել են շշեր, ոստիկանական պատը ճեղքելու փորձ կատարելիս վերցրել են ոստիկանների սաղավարտներ ու մահակներ։
ՆԳՆ ոստիկանությունը վերստին կոչ է անում ակցիայի կազմակերպիչներին ու մասնակիցներին՝ զերծ մնալ հակաիրավական գործողություններից, չհրահրել բախումներ։
Հակաօրինական ցանկացած դրսևորում կարժանանա համապատասխան քրեաիրավական գնահատականի»: