Իրավական պայքարի դիմաց՝ քաղաքական հաշվեհարդար և կալանք. «Փաստ»
«Փաստ»-ը գրում է, որ Կոռուպցիայի կանխարգելման հանձնաժողովը մերժել է «ՀայաՔվե»-ի համակարգող Ավետիք Չալաբյանի դիմումով Նիկոլ Փաշինյանի նկատմամբ վարքագծի կանոնների առերևույթ խախտման վերաբերյալ վարույթի հարուցումը։ Պատճառաբանվել է, որ քարոզարշավի ընթացքում վարչապետը գտնվել է արձակուրդում, իսկ հրապարակային կոշտ հռետորաբանությունը տեղավորվում է քաղաքական խոսքի ազատության սահմաններում։
Թերթի տեղեկացմամբ, Չալաբյանն ու «ՀայաՔվե»-ն պարբերաբար դիմումներ ու բողոքներ են ներկայացրել տարբեր կառույցների, սակայն այս ընթացքը հանդիպել է դիմադրության, և հետընտրական փուլում Չալաբյանը կալանավորվել է։ «Փաստ»-ը եզրակացնում է, որ իրավապահներն ու վերահսկողական մարմինները քողարկում են իշխանության սայթաքումներն ու ճնշումները։