Իսրայելի բանակը հայտարարել է Գազայի կենտրոնական հատվածում ՀԱՄԱՍ-ի հրամանատարի ոչնչացման մասին
Իսրայելի բանակը հայտնել է, որ Գազայի հատվածի կենտրոնում՝ Դեյր էլ-Բալահում, բնակելի տանը հասցված ավիահարվածով սպանվել է ՀԱՄԱՍ-ի ռազմական թևի հրամանատարներից մեկը։
ՑԱԽԱԼ-ի տեղեկացմամբ սոցցանցերում, զոհվածը Շարիֆ ալ-Հասնայաթն է, որը ներկայացվել է որպես Դեյր էլ-Բալահի գումարտակի վաշտի հրամանատար։ Բանակի պնդմամբ՝ նա «անմիջական սպառնալիք» էր Իսրայելի համար և ղեկավարում էր ՀԱՄԱՍ-ի ստորգետնյա ենթակառուցվածքների վերականգնումը։
Հարվածի այլ մանրամասներ և խաղաղ բնակչության հնարավոր զոհերի մասին տեղեկություն չի հաղորդվել։