ԻՆՉ ԵՆ ՀԱՅՏՆԱԲԵՐԵԼ ԵՎԳԵՆԻ ՊԵՏՐՈՍՅԱՆԻ ՏԱՆԸ

Եվգենի Պետրոսյանի տանը գտել են Այվազովսկու՝ 1մլն դոլար գնահատվող կտավը

Հայտնի կատակերգու Եվգենի Պետրոսյանի տանը Հովհաննես Այվազովսկու 1մլն դոլար արժողությամբ կտավ են գտել: Այս մասին գրում է Комсомольская правда-ն:

Դերասանի ու նրա նույնպես կատակերգու նախկին՝ կնոջ Ելենա Ստեպոնենկոյի ունեցվածքի բաժանման գործընթացը շարունակվում է, ու կտավը հայնաբերվել է գույքագրման ժամանակ:

Նախկին ամուսինները խնդրել են, որ իրենց պատկանող արվեստի գործերի, ինչպես նաեւ դրանց արժեքների վերաբերյալ տեղեկությունները գաղտնի մնան, սակայն Комсомольская правда-ն Այվազովսկու՝ «Ծովում լուսնկա գիշերին» («На море в лунную ночь») նկարի մասին տեղեկացել է:

Այն, որ կտավը բնօրինակն է, ավելի վաղ փորձագետները հաստատել են: Նշվում է, որ 1մլն դոլարն էլ ընդամենն աճուրդի նախնական գինն է, չի բացառվում, որ այն վաճառվի ավելի թանկ:

Ինքը՝ Պետրոսյանը, իր բնակարան մուտք գործել չի կարողանում, սակայն այնտեղ են նրա անձնական իրերը: Իրերի պահպանության իրավունքը դատարանը տվել է Ստեպոնենկոյին, որը նախկին ամուսնուն թույլ չի տալիս տուն մտնել: Զույգը տարիների ընթացքում կտավների մեծ հավաքածու է ձեռք բերել:

Աղբյուրը նշում է, որ դա կարելի է նույնիսկ մինի Տերտյակովյան պատկերասրահ անվանել: Նշվում է նաեւ, որ միայն կտավները միասին այնպիսի ունեցվածք են կազմում, որը մի քանի սերնդի համար կբավականացնի: Պետրոսյանը հիմնականում ուշադրություն է դարձրել 19-րդ դարի ռուս նկարիչների աշխատանքների:

Պետրոսյանն ու Ստեպոնենկոն բաժանվել են անցած տարի: Նշվում է, որ 74-ամյա Պետրոսյանը կնոջից հեռացել է իրենից 44 տարով երիտասարդ օգնականի՝ Տատյանա Բրուխունովայի համար:

Share This

COMMENTS

Wordpress (0)
Disqus (0 )