Թրամփը հնարավոր է համարել, որ կայցելի Մերձավոր Արևելք, բայց ոչ հիմա
ԱՄՆ նոր նախագահ Դոնալդ Թրամփը դեռ չի նախատեսում այցելել Մերձավոր Արեւելք, թեեւ դիտարկում է նման շրջագայություն կազմակերպելու հնարավորությունը։ Այդ մասին նա հայտարարել է երեքշաբթի օրը Սպիտակ տանը լրագրողների հետ զրույցում:
«Մենք մտածում ենք Մերձավոր Արևելք գնալու մասին։ [Բայց] դեռ ոչ»,- ասել է Թրամփը։
Նա նաև հիշեցրել է, որ Իսրայելի և պաղեստինյան արմատական ՀԱՄԱՍ շարժման միջև վերջերս ձեռք բերված պայմանավորվածությունների շրջանակում Գազայի հատվածում հրադադար է ապահովվել և սկսվել է պատանդների ազատ արձակումը։ Թրամփն իրեն է վերագրել համաձայնագրի միջնորդությունը: «Եթե ես այստեղ չլինեի, նրանք երբեք հետ չէին գա: Նրանք բոլորը կմահանային»,- պատանդների մասին ասել է ամերիկացի առաջնորդը։
Բացի այդ, նա կարծիք է հայտնել, որ նախորդ նախագահ Ջո Բայդենը առնչություն չունի Մերձավոր Արևելքում համաձայնությունների ձեռքբերմանը։ «Բայդենը չկարողացավ հասնել դրան», – համոզված է Թրամփը: