Երբեմն ամուսինը կամ կինն իրեն պարտավորված է զգում, անկախ սեփական սեռական ցանկությունից, կատարել այսպես կոչված ամուսնական պարտքը՝ զուգընկերոջը չնեղացնելու կամ հավատարիմ երևալու համար. պարզաբանում է մասնագետը
Երբեմն ամուսինը կամ կինն իրեն պարտավորված է զգում, անկախ սեփական սեռական ցանկությունից, կատարել այսպես կոչված ամուսնական պարտքը՝ զուգընկերոջը չնեղացնելու կամ հավատարիմ երևալու համար:
Այս մասին է խոսել Հայ Ամերիկյան Առողջության Կենտրոնի սեքսապաթոլոգ, դոցենտ Սևադա Հակոբյանը:
««Ամուսնական պարտականությունը » հաճախ ամուսիններն են ստեղծում իրենց համար և միմյանց անհանգստություն կամ տագնապ պատճառում: Բանն այն է, որ երբեմն ամուսինը կամ կինը իրեն պարտավորված է զգում, անկախ սեփական սեռական ցանկությունից, կատարել այսպես կոչված ամուսնական պարտքը՝ զուգընկերոջը չնեղացնելու կամ հավատարիմ երևալու համար:
Այս մոտեցումը ժամանակի ընթացքում զույգի ավելորդ լարվածության պատճառ է հանդիսանում, քանի որ սեռական կյանքում ցանկացած պարտադրված երևույթ հիասթափության է հասցնում: Սեքսոլոգիական տեսանկյունից մարդու սեռական ցանկությունը ուղիղ գծի տեսք չունի, ենթարկվում է սինուսոիդալ տատանումների, այսինքն կարող են արձանագրվել բարձրացումներ և իջեցումներ: Այդ գործընթացի վրա կարող են ազդել բազմաթիվ գործոններ՝ հոգեհուզական վիճակը, աշխատանքային գերծանրաբեռնվածությունը, ամուսինների միջև լարված փոխհարաբերությունները, հորմոնալ տատանումները և այլն:
Ուստի բոլոր այն դեպքերում, երբ կնոջ կամ տղամարդու մոտ դիտվում է սեռական ցանկության նվազում, անհրաժեշտություն չկա քողարկելու խնդիրը և «ստիպված» հարաբերություններ ունենալու, այլ կարևոր է, որպեսի զույգը համատեղ քննարկի խնդիրը, վերլուծի, իսկ չկարգավորվելու դեպքում նաև իրականացվի սեքսոլոգիական բուժում»,- հայտնում է մասնագետը: