Գյումրու քաղաքապետ Վարդան Ղուկասյանը կազմակերպել էր քաղաքացիների ընդունելություն

Բարձրացված հարցերը եղել են բազմազան, սակայն գերակշռել են հողհատկացմանը վերաբերող, տնակային ավանների կարգավիճակի և սոցիալական բնույթի խնդիրները։ Քաղաքացիները դիմել են հավատով ու ակնկալիքով, որ, ի վերջո, իրենց երկար տարիների խնդիրները լուծում կստանան։

Քաղաքապետը յուրաքանչյուր քաղաքացու ընդունել է ջերմությամբ և ցուցաբերել է անհատական մոտեցում։ Տեղում լուծում են ստացել բազմաթիվ հարցեր՝ համապատասխան բաժինների ներկայացուցիչների անմիջական ներգրավմամբ։

Քաղաքացիներն իրենց հերթին շնորհակալություն են հայտնել քաղաքապետին՝ ցուցաբերած ուշադրության, լսելու պատրաստակամության և դրական արձագանքի համար։

Ի դեպ, շատերի խնդիրները լուծում են ստացել հենց տեղում, նրանք հեռացել են գոհունակությամբ ու ոգևորված՝ վստահ լինելով, որ իրենց ձայնը լսելի է, իսկ բարձրացված խնդիրները՝ լուծելի։