Tom Ford-ի՝ 255 դոլար արժողությամբ օծանելիքը շատերի կարծիքով բուրում է, ինչպես «քաղցր դիակը»
Tom Ford-ի՝ 255 դոլար արժողությամբ բույրը համեմատվել է զմռսման հեղուկի հետ:
Tom Ford Lost Cherry-ի քաղցր օծանելիքը դարձել է երկրպագուների սիրելի բույրը, ոմանք այն նկարագրում են որպես բույր, որը նրանց «ուրախացնում է»: Սակայն քչերը գիտեն, որ այն բուրում է, ինչպես դիակը, գրում է NYP-ն։
Սթենֆորդի համալսարանի շրջանավարտ Աննա Վան Բերնենն ասել է, որ խնայել է՝ 225 դոլար արժողությամբ բույրը գնելու համար, իսկ ավելի ուշ TikTok-ի իր հոսքից իմացել է, որ դրանից «բալզմացնող հեղուկի հոտ է գալիս»: «Դեռ ցնցված եմ»,-իր տեսանյութի վերնագրում գրել է նա,- «Բալզամացնող հեղուկի հոտ է գալիս»:
Որոշ օգտատերեր համաձայնել են Lost Cherry-ի մասին այս հայտարարության հետ, որը պարունակում է սեւ բալի, տոնկայի հատիկի եւ նուշի նոտաներ, իսկ մյուսները հերքել են այն:
«Աշխատելով դիակների հետ՝ ես միշտ մտածում էի. «Ո՞վ է այստեղ Lost Cherry հագնում», իսկ հետո սա եղավ»,- գրել է մեկը։ «Ինձ համար այն նման է 2000-ականների սկզբի բալի հոտով շուրթերի բալզամներին, բայց աներեւակայելի արհեստական ձեւով»,-գրել է մեկ ուրիշը:
Ոմանք հաստատել են առցանց տեսությունները, որ օծանելիքն իրականում «քաղցր դիակի» պես է բուրում, իսկ մյուսները փորձել են հերքել առասպելը: