NYT. ԱՄՆ-ի հարվածների արդյունքում փակվել են Իրանի երկու միջուկային օբյեկտների մուտքերը, բայց չի հաջողվել դրանք ոչնչացնել

Նախնական գաղտնի զեկույցում ասվում է, որ Իրանում երեք միջուկային օբյեկտների ամերիկյան ռմբակոծությունը երկրի միջուկային ծրագիրը հետ է մղել ընդամենը մի քանի ամսով, հաղորդում է The New York Times-ը՝ հղում անելով գործին ծանոթ աղբյուրներին։

Պաշտոնյաների խոսքով՝ նախնական եզրակացությունները ցույց են տալիս, որ հարվածների արդյունքում փակվել են երկու օբյեկտների մուտքերը, բայց չեն առաջացրել ստորգետնյա կառույցների փլուզում, ընդգծում է թերթը։

The New York Times-ի հետ զրուցած աղբյուրները պարզաբանել են, որ չնայած «բունկեր-ապաստարանների» միջոցով թիրախային հարձակումներին հաջողվել է փակել երկու միջուկային օբյեկտների մուտքերը, դրանք չեն ոչնչացրել հիմնական կառույցները։ Լրատվամիջոցները հաղորդում են, որ դա ներառում է Ֆորդոն՝ Իրանի միջուկային ծրագրի գլխավոր գրասենյակը, որը կառուցվել է լեռան խորքում։

Արդյունքները ուղղակիորեն հակասում են ԱՄՆ նախագահ Դոնալդ Թրամփի հայտարարություններին, որը հարվածներից կարճ ժամանակ անց ասել էր, որ գործողությունը «հիանալի ռազմական հաջողություն» էր, և որ «Իրանի ուրանի հարստացման հիմնական օբյեկտները լիովին ոչնչացվել են»։