ՀՅՈՒՍԻՍԱՅԻՆ ԿՈՐԵԱՆ ՉԻ ԱՐՁԱԳԱՆՔՈՒՄ ԲԱՅԴԵՆԻ ՎԱՐՉԱԿԱԶՄԻ ԿՈՒԼԻՍԱՅԻՆ ՇՓՈՒՄՆԵՐԻՆ
Հյուսիսային Կորեան չի արձագանքել Ամերիկայի Միացյալ Նահանգների նախագահ Ջո Բայդենի վարչակազմի նախաձեռնած անդրաբեմային դիվանագիտական շփումներին, ներառյալ՝ ՄԱԿ-ում Փհենյանի առաքելությանը։
Շաբաթ օրը միջազգային «Ռոյթերս» լրատվական գործակալությանն է ասել Բայդենի վարչակազմի մի բարձրաստիճան պաշտոնյա:
ԱՄՆ-ի՝ մինչ այժմ անհաջող իրազեկման բացահայտումը, որի մասին նախկինում չի հաղորդվել, հարցեր է առաջացնում, թե ինչպես է Բայդենը լուծելու Փհենյանի հետ բարձրացող լարվածությունը միջուկային զենքի և բալիստիկ հրթիռների ծրագրերի շուրջ:
Դա նաև նոր հարթություն է հաղորդում Ամերիկայի գլխավոր դիվանագետի և պաշտպանության նախարարի՝ հաջորդ շաբաթ կատարվելիք այցին Հարավային Կորեա և Ճապոնիա, որտեղ ակնկալվում է, որ Հյուսիսային Կորեայի միջուկային զինանոցի հետ կապված մտահոգությունները օրակարգում կլինեն:
Բայդենի վարչակազմի բարձրաստիճան պաշտոնյան, չբացահայտվելով, քիչ մանրամասներ է ներկայացրել դիվանագիտական ճնշման վերաբերյալ: Նա նշել է, որ ջանքեր են գործադրվել Հյուսիսային Կորեայի կառավարության ուղղությամբ «փետրվարի կեսերից սկսած մի քանի ուղիներով, ներառյալ՝ Նյու Յորքում»:
«Մինչ օրս Փհենյանից որևէ պատասխան չենք ստացել», – «Ռոյթերսի» փոխանցմամբ՝ ասել է պաշտոնյան:
Հյուսիսային Կորեայի առաքելությունը ՄԱԿ-ում անմիջապես չի արձագանքել մեկնաբանության խնդրանքին: «Բայդենի վարչակազմը մինչ այժմ զգույշ է եղել Հյուսիսային Կորեայի նկատմամբ իր մոտեցումը հրապարակայնորեն նկարագրելիս՝ ասելով, որ իրականացնում է համապարփակ քաղաքականության վերանայում Հյուսիսային Կորեայի առաջնորդ Կիմ Չեն Ընի հետ նախկին նախագահ Դոնալդ Թրամփի աննախադեպ ներգրավվածությունից հետո», – նշել է Reuters-ը։
Բայդենի վարչակազմի պաշտոնյան ասել է, որ, ըստ ամենայնի, ԱՄՆ-ի և Հյուսիսային Կորեայի միջև ակտիվ երկխոսություն չի եղել ավելի քան մեկ տարի, ներառյալ՝ Թրամփի վարչակազմի ավարտին, «չնայած այդ ընթացքում Միացյալ Նահանգների կողմից ներգրավվելու բազմաթիվ փորձերին»:
ԱՄՆ պաշտոնյան հրաժարվել է ենթադրություններ անել, թե ինչպես Փհենյանի լռությունը կազդի Բայդենի վարչակազմի՝ Հյուսիսային Կորեայի նկատմամբ քաղաքականության վերանայման վրա։
ԱՄՆ Պետական քարտուղար Էնթոնի Բլինքենը հայտարարել է լրացուցիչ պատժամիջոցների հնարավորության մասին՝ դաշնակիցների հետ համաձայնեցնելով ճնշել Հյուսիսային Կորեային, որ հրաժարվի միջուկային զենքից: Պատժամիջոցները մինչ այժմ չեն կարողացել համոզել Կիմին հրաժարվել միջուկային զենքից: