Կառավարությունը հարկային արտոնություններ տրամադրեց երկու նոր ներդրումային ծրագրերի
Կառավարությունը հարկային արտոնություն տրամադրեց «ՄԵՏԱԼ ՈՒՈՐԼԴ» ՍՊԸ-ին: Ըստ որոշման հիմնավորման, գործադիրը բավարարեց ընկերության կողմից ներկայացված հայտը գերակա ոլորտում իրականացվող ներդրումային ծրագրի շրջանակներում ներմուծված (ներմուծվող) սարքավորումները, համալրող մասերը, հումքը եւ նյութերը ներմուծման մաքսատուրքից ազատելու արտոնությունից օգտվելու համար:
Ընկերության կողմից ներմուծվող ապրանքներն օգտագործվելու են թիթեղյա տարաների և պտուտակավոր կափարիչների արտադրության համար: Նախատեսվում է ծրագրի շրջանակում իրականացնել 1.8 մլրդ դրամի ներդրում ցանկում ներկայացված հումքի և նյութերի ձեռքբերման ու շուրջ 150 մլն դրամի ներդրում նոր սարքավորումների ձեռքբերման համար: Ներկայումս առկա է 19 աշխատատեղ: Նախատեսվում է ներդրումային ծրագրի շրջանակում ստեղծել 6 նոր աշխատատեղ` 120 000 դրամ միջին աշխատավարձով։
Ծրագրով նախատեսված արտադրանքի ընդհանուր ծավալը կկազմի 2.9 մլրդ դրամ, որից 2.7 մլրդ դրամի արտադրանքը կիրացվի ՀՀ տարածքում, 200 մլն դրամի արտադրանքը` երրորդ երկրների տարածքում:
Արտոնություն ստանալու համար ներկայացված ապրանքների արժեքը կազմում է 1.8 մլրդ դրամ: Մաքսատուրքից ազատման արտոնությունը կազմում է 98.3 մլն դրամ:
Ներմուծվող ապրանքները չեն ներմուծվում ԵԱՏՄ անդամ-երկրներից, քանի որ չեն բավարարում ընկերության տեխնիկական պահանջներին։
Կառավարությունը բավարարեց նաև «ՊՐԻՆՏԱՐՄ ԴԱՆՎԵՍՏ» ՍՊ ընկերության կողմից ներկայացված հայտը: Ընկերության կողմից ներմուծվող ապրանքներն օգտագործվելու են տպագրության ոլորտում (թղթից կամ ստվարաթղթից արտադրատեսակներ, թղթի կամ ստվարաթղթի մետաղապատում, տպագրություն, մետաղապատ ստվարաթղթից արտադրատեսակների պատրաստում)։
Նախատեսվում է ծրագրի շրջանակում իրականացնել 281.6 մլն դրամի ներդրում սարքավորումների ձեռքբերման համար եւ 380.2 մլն դրամի ներդրում ցանկում ներկայացված հումքի ձեռքբերման համար: Ներկայումս առկա է 77 աշխատատեղ: Նախատեսվում է ներդրումային ծրագրի շրջանակում ստեղծել 5 նոր աշխատատեղ` 170 000 դրամ միջին աշխատավարձով։
Ծրագրով նախատեսված արտադրանքի ընդհանուր ծավալը տարեկան կկազմի 3.48 մլրդ դրամ, որն ամբողջությամբ կիրացվի ՀՀ տարածքում:
Արտոնություն ստանալու համար ներկայացված ապրանքների արժեքը կազմում է 380 240 000 դրամ: Մաքսատուրքից ազատման արտոնությունը կազմում է 19 մլն դրամ:
Ներմուծվող ապրանքները չեն ներմուծվում ԵԱՏՄ անդամ-երկրներից, քանի որ չեն բավարարում ընկերության տեխնիկական պահանջներին։
Դասերը հետաձգելու կարիք չկա, խուճապի կարիք էլ չկա. Տիգրան Ավինյան
Կառավարության այսօրվա նիստում ՀՀ մարդու իրավունքների պաշտպան Արման Թաթոյանը խոսեց կորոնավիրուսի պատճառով դասերը հետաձգելուց:
«Տարբերակ կարող է լինել, օրինակ, դասերը հետաձգել», – ասաց ՄԻՊ-ը:
ՀՀ փոխվարչապետ Տիգրան Ավինյանն էլ ասաց, թե նմանատիպ որոշումների համար նվազագույնը կոնկրետ հիմնավորումներ են պետք, որոնք կվկայեն այն մասին, որ արդեն իսկ կա վիրուսի տարածում:
«Մեր դեպքերը շատ տեղայնացված են, շատ կոնկրետ են, մարդիկ են, ովքեր ի սկզբանե եղել են վերահսկողության տակ ու դեռևս նմանտիպ հարց քննարկելու կարիք չկա, խուճապի կարիք էլ չկա», – ասաց Տիգրան Ավինյանը:
Նա նշեց, թե իրենք ամենօրյա ռեժիմով աշխատում են, եթե կարիքը լինի, նման որոշում մեկ օրվա ընթացքում կկայացվի:
Конец переписки
Введите сообщение…
