Սպանել են ռեփեր Pop Smoke-ին
Լոս Անջելեսում սպանվել է քսանամյա ռեփեր Pop Smoke-ը։ Այս մասին հայտնում է Rolling Stone-ը, վկայակոչելով իրավապահ համակարգում ունեցած իր աղբյուրի փոխանցած տեղեկությունը։ Ըստ հրապարակման, մարդասպանները առավոտյան վաղ ժամի ներխուժել են երաժիշտի տուն եւ սպանել նրան։ Տունը գտնվում է Հոլիվուդյան բլուրների շրջանում։ Հանցագործները եղել են դիմակավորված եւ մի քանի անգամ կրակել են ռեփերի վրա, եւ հեռացել։ Երաժիշտին հոսպիտալացրել են, սակայն նրա կյանքը փրկել չի հաջողվել։
